Ақорданың мәліметінше, Түркі мемлекеттері ұйымының кезектен тыс саммитінің қорытындысы бойынша мынадай құжаттарға қол қойылды:
1. Түркі мемлекеттері ұйымы кезектен тыс саммитінің Анкара декларациясы;
2. Түркі мемлекеттері ұйымының Азаматтық қорғау механизмін құру туралы шешім;
3. Түркі инвестициялық қорын құру туралы келісім.
Мемлекет басшысы Қасым-Жомарт Тоқаев 16 наурызға қараған түні Анкараға жұмыс сапарымен келіп жетті.
Саммитте сөйлеген сөзінде Мемлекет басшысы Түркиядағы апат аймағында әлеуметтік нысан салуға дайын екенін мәлімдеді. Оның айтуынша, бұл бауырлас түрік халқына деген шынайы қамқорлықтың белгісі болады.
Сондай-ақ, Қасым-Жомарт Тоқаев төтенше жағдай мекемелерінің күштері мен құрал-жабдықтарының тізімін әзірлеуді ұсынды.
Саммитке дейін Мемлекет басшысы Қасым-Жомарт Тоқаев Режеп Тайып Ердоғанмен келіссөздер жүргізді.
