Түркістан облысының тұрғыны өз бейнежазбасында мазараттағы адамдар бейнесі бейнеленген көктасты белгісіз біреу сызып, бояп тастағанын жеткізген.
Өңірлік ПД баспасөз қызметінің мәліметінше, аталған жайт ҚР ҚК-нің 294-бабы 1-бөлігі бойынша тіркеліп, тергеу амалдары басталды.
"Теріс қылықты жасаған 11 жасар кентаулық жасөспірім екені анықталды. Белгілі болғандай, жасөспірімнің үйі бейіт маңында орналасқан. Үйінен ойнап шыққан бала, сол маңнан көк түсті бояу тауып алып, бірқатар жерленген адамдардың көктасын, олардың қоршауын бояп шыққан. Ал әкесі ұлының балалықпен жасаған іс-әрекетіне өкініп, кешірім сұрады", делінген хабарламада.
Қазір оқиғаның толық мән-жайы анықталып жатыр.