Бұл туралы Қаржылық мониторинг агенттігі ақпарат таратты.
ҚМА мәліметінше, қылмыстық топ күш пен қоқан-лоқы қолданып, кәсіпкерлердің мүлкін басып алу, сондай-ақ Алматы қаласы мен Алматы облысы аумағында көлеңкелі кәсіпкерлікті жүзеге асырды деген күдікке ілінген.
Рейдерлік тәркілеу және заңсыз әрекеттерге қатысы бар тұлғаларды анықтау бойынша сотқа дейінгі тергеу жалғасуда.
Бұған дейін ҚР ҰҚК арнайы операция жүргізіп, оның қорытындысы бойынша 6 қыркүйекте Солтүстік Кипрден Қазақстанға Елдос Қоспаев басқарған ұйымдасқан қылмыстың топтың жеті мүшесін, оның ішінде өзін де этаппен жеткізгені хабарланған.