15 қыркүйекте кешкісін Астанада Әлихан Мурадовқа қатысты іс бойынша сот отырысы өтті. Ер адам 2023 жылы 18 маусымда елордадағы Kaspi банк бөлімшесіне шабуылдап, адамдарды кепілге алды деп айыпталады.
Сөз жарыс кезінде мемлекеттік айыптаушы соттан Әлихан Мурадовқа 8 жылға бас бостандығынан айыру жазасын тағайындауды сұрады. Айыптаушы тарап оның жауапкершілігі мен жазасын жеңілдететін жағдайлар ретінде кінәсін мойындауын, ісіне өкінуін, істі қарау барысындағы белсенділігін ескерді.
"Осыған дейін қаралған барлық мән-жайды ескере отырып, Ә. Мурадовты ҚР Қылмыстық кодекстің 261-бабы, 4 және 9-тармақтары сәйкес қылмыс жасағаны үшін кінәлі деп танып, ҚР Қылмыстық кодекстің 55-бабы, 2-тармағы, 2-бөлімін де ескере отырып, оған 8 жыл бас бостандығынан айыру жазасын тағайындауды сұраймын", - деді прокурор.
Айта кетсек, 15 қыркүйекте сот отырысында Мурадов банк бөлімшесін қалай басып алғанын, қандай ойы болғанын бүкпесіз айтып берді.