Елорда тұрғындары 23 қыркүйекте кешке жолдың бойына шығып алды, деп хабарлайды Астана қалалық ПД баспасөз қызметі.
Осылайша, олар тұрғын үй мен мекеменің арасына шағын қоршау орнатқан "Кент" дәмханасының иесіне өз наразылықтарын білдірді.
Жол бойын бірнеше минут бойы бөгеген тұрғындар апатты жағдай туғызып, көлік қозғалысына кедергі келтірді.
Олар жол қозғалысына қатысушылардың денсаулығы мен өміріне қауіп төндірді, сонымен қатар жол қозғалысы ережелерін өрескел бұзды.
Олардың әрекеті заңсыз болды, сондықтан қоғамдық тәртіпті бұзушылар жауапқа тартылып, айыппұл салынды.
"Мұндай іс-әрекетке жол берілмейді, өйткені ауыр зардаптарға әкелуі мүмкін. Мұндай заңсыз әрекеттер заңның барлық қатаң тәртібімен жазаланады. Елорда тұрғындары мен қонақтарын қоғамдық тәртіпті сақтауға және даулы мәселелерді тек құқықтық тұрғыда шешуге шақырамыз", делінген полция хабарламасында.
