Видео сипаттамасында автор аталған оқиға Шымкентте орын алуы мүмкін деп болжайды. Алайда көп ұзамай қалалық полиция департаменті бұл ақпаратты жоққа шығарды, деп хабарлайды Otyrar.kz.
"Аталған факті бойынша Шымкент қаласы ПД қызметкерлері тексеру жүргізгенін хабарлаймыз. Нәтижесінде видеода көрсетілген жағдай Шымкент қаласының аумағында орын алмағаны анықталды. Осыған байланысты тексерілмеген және жаңсақ ақпаратты таратпауларыңызды сұраймыз". Шымкент қаласы ПД баспасөз қызметі
Ал видео Қырғызстанда түсірілген болып шықты. Кейбір мәліметтер бойынша, келін мен ене арасындағы шиеленіс мүлік бөлісі кезінде туындаған.
