Қарағанды облысында жол апатынан екі адам қаза тапты

Қайғылы оқиға 25 қарашада сағат 08:50 шамасында Қарағанды-Қарқаралы тас жолында Lada Vesta мен Mercedes Benz автокөліктерінің соқтығысуы кезінде болды, деп хабарлайды Zakon.kz.

Өңір полициясы мәліметінше, салдарынан Mercedes автокөлігінің жүргізушісі және оның 44 жастағы жолаушысы оқиға орынында қаза тапты.

"30 жастағы Lada автокөлігінің жүргізушісі және оның 51 жастағы жолаушысы ауруханаға жеткізілді", делінген хабарламада.

Сурет: Telegram/POLISIA.KZ

Полиция көлік жүргізушілерден жылдамдықты шектен тыс асырмай, жол жүру ережесін қатаң сақтауды еске салады.