Түркістанда жоғалып кеткен 4 жасар бала іздестіріліп жатыр

1 желтоқсанда кешкі уақытта қалалық полицияға жергілікті тұрғын арызданып, сол күні ойнауға шығып кеткен 4 жасар ұлының үйіне қайта оралмағанын жеткізген. Ер азаматтың арызы бірден тіркеліп, тез арада полицияның жеке құрамы іздеу жұмыстарына жұмылдырылды, деп хабарлайды Zakon.kz.

Қазір тәртіп сақшылары жүйелі түрде жан-жақты іздестіру жұмыстарын жүргізуде.

Жоғалған баланың жеке басы мен түр-тұлғасы бойынша мәліметтер фото суретімен бірге барлық аумаққа жолданды. Еріктілер мен тұрғындар да көмекке келді.

Бақыт Айбар Алдиярұлы 25.05.2019 жылы туған. Бойы - 60-65 см, шашы қара-қоңыр түсті. Үстінде сұр түсті торлы жейде, қоңыр түсті шалбар, аяғында резеңке аяқ-киім болған.

Сурет: Telegram/POLISIA.KZ

Баланы көрген-білген адамдар болса, шұғыл полицияның кезекші бөліміне 8-725-33-5-97-65, 8-725-33-97-40-94 немесе [phone], [phone], [phone], сондай-ақ 102 нөміріне хабарласу сұралады.