Оқиға 7 желтоқсанда Көкшетау қаласында болған.
Көкшетау қаласы полиция басқармасының кезекші бөліміне "Мечта" сауда үйінің аумағында автокөліктің ішінде жүргізуші "газ" педалын қатты басып отырғаны туралы ақпарат келіп түсті. Көкшетау қалалық ПБ патрульдік полиция батальоны қызметінің инспекторлары Александр Ефимов пен Темірлан Қалыш құрамындағы "Әскер-5" автопатрульі дереу оқиға орнына аттанды.
Инспекторлар көлікке жақындап, 34 жастағы жүргізушінің тырыспасы ұстағанын, оған медициналық көмек керек екенін анықтады.
"Олар жәрдем жәрдем көлігін бірден шақырды. Автокөліктің есіктері жабық болған себепті полиция қызметкерлері қолында болған затты пайдаланып, көліктің артқы есігінің әйнегін сындырды. Жедел жәрдем дәрігерлері 34 жастағы ер адамға қажетті көмек көрсеткеннен кейін, полиция оның туыстарын анықтап, оқиға туралы хабарлады". Ақмола облысы ПД баспасөз қызметі
