Видео авторлары белгісіз адамдардың бөгетті қасақана бұзып жатқанын айтады. Видеода ер адам: "Жігіттер, не істеп жатырсыңдар" деп сұрап, бөгетті бұзушыларды диверсанттар деп атайды.
Ақтөбе облысының полиция департаменті Zakon.kz тілшісіне аталған оқиға қаланың саяжай массивінде болғанын нақтылады. Мұнда кішігірім өзен кенерінен асып, үйлердің бір бөлігін су басқан.
"Жергілікті тұрғындар шұңқыр қазған, бірақ осыдан кейін су басқа үйлерді ала бастаған. Осыған байланысты қолдан жасалған бөгет қайта өзгертілді. Көршілердің бір-біріне шағымы жоқ, полицияға ешкім арызданбады", - деп түсіндірді полициядағылар.