Прокурор Бишімбаевтан смартфонын ашып, оның ішіндегісін тексеруге кірісу үшін құпия пароль - алты таңбаны айтуын сұрады. Алайда сотталушы бұдан бас тартты.
"Мен паролды тек адвокатыма айтамын. Демек, айыптаушы тарап оны ашып, дәлел ретінде пайдалана алмайтындықтан, мен оны қорғаушы тараптың дәлелі ретінде ұсынғым келеді. Егер сіз оны адвокатқа берсеңіз, онда мен паролды айтамын", - деді Қуандық Бишімбаев.
Ол өзінің бұл әрекетін смартфонында көпшілікке қолжетімді болмауын қалайтын басқа да көптеген нәрсе барымен түсіндірді. Ол сұрақ-жауап алу кезінде бұған дейін жеке сипаттағы фотосуреттер мен видеоларға сүйенген еді.
2023 жылы 9 қарашада экс-министр Қуандық Бишімбаев әйелін өлтірді деген күдікпен ұсталды. Қайғылы оқиға астаналық Bau мейрамханасында болды.