Ұлытау облысының полиция департаменті ер адамның полицейлер талаптарына бағынбай жасырынуға тырысқанын нақтылады. Жергілікті тұрғындар таратқан видеодан полицейлер мен арнайы күштер сарбаздары күдіктіні ұстап жатқан сәтін көруге болады.
"Полиция басқармасының "102" шұғыл байланыс желісіне хабарласқан қала тұрғыны көлік жүргізушісінің қолында қаруы бар екенін хабарлады. Жедел басқару орталығының офицерлері күдіктіні ұстауға патрульдік полиция мен "Арлан" арнайы бөлімнің сарбаздарын жіберді. Полиция қызметкерлері күдіктіні ұстады". Ұлытау облысы ПД
Сондай-ақ, полиция департаменті ер адамның ұсталған сәтін сипаттайтын видеоны жариялады.
"Тергеу амалдары қолға алынды, оның нәтижелері қолданыстағы заңнамаға сәйкес жарияланбайды", - деді өңірлік ПД.