Полиция ер адамның екі айға қамауға алынғанын хабарлады. Қазір ол тергеу изоляторында отыр.
"10 жасар оқушыға қол жүгіртті деп күдікке ілінген білім беру мекемесінің бұрынғы күзетшісі соттың санкциясымен екі айға қамауға алынды", деп жазды lada.kz.
Айта кетсек, бұған дейін әлеуметтік желіде Ақтауда мектеп күзетшісі кәмелетке толмаған қызды шақырып алып, бұрышқа тығып қол жүгіртпек болғанда, оның сытылып кеткені туралы аудиожазба тараған. Бұл фактіні мектептің өзі растап, оқиға жексенбі, 12 мамыр күні болғанын хабарлады. Күзетші дереу қамауға алынды. Оның бұл әрекеті бейнебақылау камерасы түсіп қалған. Күзет агенттігіне қарсы іс қозғалды.
