Шахтинск қаласында АИТВ жұқтырып, сүйіктісін өлтіріп алған ер адам сотталды

Сурет: Zakon.kz
Бойжеткенге адамның иммун тапшылығы вирусын (АИТВ) әдейі жұқтырған Шахтинск қаласының тұрғыны төрт жылға бас бостандығынан айырылды. Сотталушының сүйіктісі бақилық болған, деп хабарлайды Zakon.kz.

Сотта 2015 жылы ер адамға АИТВ жұқтырған деген диагноз қойылғанын анықталды. Оған сол кезде емдеуден жалтарып, басқаларды аталған ауруды жұқтырғаны үшін қылмыстық жауапкершілікке тартылатыны, сондай-ақ сақтық шараларын сақтау қажеттігі туралы ескертілген.

"Ол 2016-2023 жылдар аралығында бір бойжеткенмен бірге тұрған, бірақ оған жұқпалы ауруы барын айтпаған. Салдарынан АИТВ инфекциясын жұқтырған әйел адам қайтыс болған". ҚР Жоғары сотының баспасөз қызметі

Сотталушының кінәсі сот-медициналық сараптамасының қорытындысымен расталды, оған сәйкес жәбірленушінің өліміне екіншілік аурулардың дамуымен АИТВ-инфекциясы және басқа да іс материалдары себеп болған.

Сотталушы өз кінәсін мойындамады.

ҚР Қылмыстық кодекстің 118-бабының 2-бөлігінің санкциясында 5 жылға дейін бас бостандығынан айыру жазасы қарастырылған.

Іс бойынша қылмыстық жауаптылықты немесе жазаны жеңілдететін мән-жайлар анықталған жоқ.

Ауырлатылған мән-жайлар – қылмыс ауыр зардаптарға әкеп соқтырған – жәбірленушінің өлімі деп танылады.

"Сот сотталушыны Қылмыстық кодекстің 118-бабы 2-бөлігімен кінәлі деп танып, 4 жылға бас бостандығынан айырды. Оған медициналық сипаттағы мәжбүрлеу шаралары – мәжбүрлеп емдеу тағайындалды".ҚР Жоғары сотының баспасөз қызметі

Соттың үкімі заңды күшіне енген жоқ.

Қарағанды

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Санжар Ерұланұлы дзюдодан жасөспірімдер арасында әлем чемпионатында топ жарды

Ұлытау облысында жыл басынан бері дрифт жасаған 14 көлік жүргізушісі жауапқа тартылды

Дзюдошы Асқар Біржанов жасөспірімдер арасында әлем чемпионатының қола жүлдегері атанды

1200-ден астам құқық бұзушылық: Астанада жаппай рейд жүріп жатыр

Астана, Алматы және Шымкент қалалары бойынша алдағы бес күнге арналған ауа райы болжамы