Семей қаласының тұрғындары супер қаһарман - "Өрмекші адамды" көшеден байқап, видеоға түсіріп алған. Оқиға орнына учаскелік полиция инспекторы бірден келіп, "супер қаһарманның" қауіпсіздігіне алаңдаушылық танытатынын айтып, одан биіктен түсуін сұрады.
"Полиция қызметкері Дастан Жақпанов "Өрмекші адамның" небәрі 16 жаста екенін біліп, оны бірден үйіне жеткізді. Анасының қатысуымен онымен профилактикалық әңгіме өткізіп, мұндай ойындардың өте қауіпті екендігіне назар аударды", делінген полиция хабарламасында.