Сондай-ақ құзырлы ведомство қатардағы жауынгер Досымжан Сәлімжанның қаза табуына байланысты қылмыстық іс қозғалғанын мәлімдеді.
"Әскери қызметшінің ата-анасына жан-жақты қолдау көрсетіліп, барлық тиісті өтемақылар төленетін болады. Қорғаныс ведомствосы да, ата-аналар да жүргізіліп жатқан тергеудің шынайы болуына мүдделі. Әскери қылмыстарды тергеу барысын ҚР Бас прокуратурасы және ҚР Ішкі істер министрлігінің тиісті бөлімшелері қадағалайды", делінген хабарламада.
Қарулы күштердің басшылығы мен әскери бөлімдердің қолбасшылығы тергеу әрекеттері мен қажетті рәсімдерді жүргізуде ашықтық пен объективтілік қағидаттарын ұстанатындығы да еске салынады.
Айта кетсек, Абай облысында мерзімді қызметтегі әскери сарбаз қаза тапты. Туыстарына жаттығу кезінде 20 жастағы Өсербай Ақанды көп тонналық әскери көлік таптап кеткені айтылған. Алайда, марқұмның жақындары бұған күмәнмен қарайды.