Елордалық полиция департаментінің мәліметінше, маршруттық автобус пен "Kia" автокөлігінің жүргізушілері арасындағы дүрдараздық күндіз Қалдаяқов көшесінде болған.
"Жеңіл көлік аялдама алаңына бұрылып бара жатқан автобустың алдын кеседі. Содан кейін жеңіл көліктің рөліндегі адам автобусқа кіріп, қол баллонынан жүргізушінің бетіне бұрыш шашқан. Іле-шала ол оқиға орнынан ізін суытады", делінген хабарламада.
Іздестіру іс-шаралары барысында 37 жастағы "Kia" жүргізушісі ұсталып, оның көлігі коммуналдық тұраққа қойылды. Бұзақылық жасағаны үшін сот шешімімен ол 10 тәулікке қамауға алынды.