Сотта 2023 жылдың қарашасынан 2024 жылдың сәуіріне дейінгі уақыт аралығында С. өзінің бұрынғы жұбайын жүйелі түрде ұрып-соғып, басқа да зорлық-зомбылық әрекеттері арқылы физикалық және психикалық азап келтіргені анықталды. Сонымен қатар, 2024 жылдың 4 сәуірінде ол өзінің бұрынғы жұбайына әдейі зиян келтірді. Сот-медициналық сараптаманың қорытындысы бойынша жәбірленушінің денсаулығына орташа зиян келтіріліп, оң жақтағы 2,3,4 бел омыртқасының жабық сынуы түріндегі дене жарақаттарын салған.
Прокурор қылмыстық-атқару жүйесі мекемесінде қылмыстар жиынтығы бойынша барынша қауіпсіздік мекемесінде екі жылға бас бостандығынан айыру түріндегі түпкілікті жазаны тағайындауды сұрады, өйткені С. қылмысы бұрын жасалған ауыр қылмыс үшін өтелмеген соттылық кезінде жасалған.
Сотталушы кінәсін толық көлемде мойындаған жоқ.
Жәбірленуші Б. жазаны соттың қарауына қалдырды.
"Өтелмеген соттылығы, жасалған қылмыстардың сипаты мен қоғамдық қауіптілік дәрежесі бар С-ның жеке басын, кінәні жеңілдететін және ауырлататын мән-жайлардың жоқтығын, жәбірленуші Б-ның өтелмеген залалының болуын ескере отырып, сот екі жылға бас бостандығынан айыру түріндегі жазаны тағайындады", делінген сот хабарламасында.
Сотталған С-дан жәбірленуші Б-ның пайдасына моральдық зиянды өтеу есебінен 3 000 000 теңге өндірілді.
Үкім заңды күшіне енген жоқ.
