Еңбек кодексіне сәйкес бір ұйымда өзінің негізгі жұмысымен қатар басқа немесе сол лауазым бойынша қосымша жұмысты не өзінің негізгі жұмысынан босатылмай уақытша болмаған қызметкердің міндеттерін орындайтын қызметкерлерге қосымша ақы төленеді.
Қызметкерлерге тапсырылатын қосымша жұмыстар келесі жолдармен жүзеге асырылуы мүмкін:
- лауазымдарды қоса атқару;
- қызмет көрсету аймақтарын кеңейту;
- уақытша болмаған қызметкердің міндеттерін орындау (ауыстыру).
Лауазымдарды қоса атқарғаны, қызмет көрсету аймағын кеңейткені немесе уақытша болмаған қызметкердің міндеттерін орындағаны (алмастырғаны) үшін қосымша ақы мөлшерін жұмыс беруші орындалатын жұмыс көлеміне қарай қызметкермен келісім бойынша белгілейді.
Уақытша болмаған қызметкердің міндеттерін орындағаны (алмастырғаны) үшін қызметкерлерге қосымша ақы төлеу, егер уақытша болмаған қызметкерді ауыстыру алмастырушы қызметкердің лауазымдық міндеттеріне кіретін болса, жүргізілмейді. Мысалы, бастық орынбасарының лауазымдық міндеттеріне бастық лауазымын ауыстыру кіреді.
Бұған дейін Қазақстандық жұмыс берушілердің өз қызметкерлеріне берер берешегі қаншалықты екені белгілі болды.
