Компания соңғы уақытта өздерін "Павлодарэнергосбыт" ЖШС қызметкерлері болып таныстыратын белгісіз тұлғалардың қоңырау шалу жағдайлары жиілеп кеткенін баса атап өтті. Олар электр энергиясын есептейтін құралдарды (электр есептегіштерін) тегін ауыстыруды ұсынады және ол үшін SMS-хабарламада көрсетілген кодты сұрайды.
"Мұны жеке деректеріңізге қол жеткізгісі келетін алаяқтар жасайды. Сондықтан өте сақ болуларыңызды және телефон арқылы жеке ақпаратты бермеуді сұраймыз", - деді компаниядан.
Ақпараттың дұрыстығын нақтылау үшін тұрғындардан кәсіпорынның байланыс орталығына мына нөмірлер бойынша хабарласу сұралады: +7 (7182) 903-309; +7 701 031 7323.