ҚР ІІМ баспасөз қызметінің хабарлауынша, Алмалы ауданында түнде "Астана" алаңына жақын орналасқан үйлердің тұрғындары тежегіштердің сықыры мен мотордың гуілдеген дыбысынан оянып, бірден 102 байланыс желісіне хабарласқан.
"BMW көлігінің жүргізушісі ұсталып, ол жол қозғалысы ережесін өрескел бұзғаны үшін бес бап бойынша жауапқа тартылды. Көлік құралы мамандандырылған айыппұл тұрағына қойылды. Шешім шығару үшін іс материалдары жақын арада сотқа жолданады", – деді Алмалы аудандық полиция басқармасының бастығы Олжас Шәріпов
21 жастағы Алматы тұрғынының бес тәулікке әкімшілік қамауға алынғаны да нақтыланады.
