Құзырлы ведомствоның баспасөз қызметі жас жігіт опат болғаны күні, яғни 2024 жылдың 22 қыркүйегінде кезекті демалыста болғанын нақтылайды.
"Алматы қаласының көпқабатты тұрғын үйінің ауласынан кезекті демалысқа босатылған 3-курста оқитын курсанттың денесі табылды. Өлімінің себебі - биіктен құлау. Полиция органдары сотқа дейінгі тергеуді бастады. Қайғылы оқиғаға түрткі мән-жайлар анықталуда", делінген ҰҚК хабарламасында.
Айта кетсек, ҚР ҰҚК Шекара академиясы курсантының қаза тапқаны туралы 2024 жылдың 22 қыркүйегінде таңертең белгілі болды. Алдын ала ақпарат бойынша, 19 жастағы жігіт биіктіктен құлаған.