"Ауа-райының күрт нашарлауына байланысты (қар, көктайғақ) 12 қазанда елорда жолдарында 118 жол – көлік оқиғасы тіркелді, 12 адам дене жарақатын алды", - деді ведомстводан.
Сондай-ақ 13 қазанда түнгі 00:00-ден 08:00-ге дейін 28 жол-көлік оқиғасы болды. Зардап шеккендер жоқ.
Полиция жүргізушілерден жолда өте мұқият болуды, белгіленген жылдамдық режимін қатаң сақтауды, тежегішті қатты баспауды, қашықтық пен бүйірлік аралықты сақтауды, белгіленген жерлерде көлікті қалдыруды, сондай-ақ патрульдік полицейлердің талаптарын орындауды сұрайды.
"Аталған жағдайға түсіністікпен қарауды сұраймыз және қолайсыз метео жағдайға байланысты қала сыртындағы трассаларда көлік қозғалысы мезгіл-мезгіл шектелетінін ескере отырып, ұзақ сапарға шығудан бас тарта тұруды ұсынамыз. Жүргізушілер ғана емес, жаяу жүргіншілер де сақ болуы керек. Өз қауіпсіздігіңіздің мүддесі үшін көшелерді белгіленген орындардан кесіп өтуге, жарық қайтаратын элементтерді пайдалануға, құлаққап тақпай, жолдан өту кезінде телефонмен сөйлеспеуге кеңес береміз", – деп толықтырды ПД.