Атап айтқанда, ереже келесі мазмұндағы жаңа функциялармен толықтырылды:
- статистикалық әдіснаманы қалыптастыру;
- мемлекеттік статистика қағидаттарын сақтай отырып, статистикалық қызметті жүзеге асыру;
- қоғамның, мемлекеттің және халықаралық қоғамдастықтың ресми статистикалық ақпаратқа қажеттілігін қанағаттандыру;
- әкімшілік деректердің сапасын анықтау;
- мемлекеттік жоспарлау жөніндегі уәкілетті органмен бірлесіп қолданылатын деректер көздерін немесе индикаторлардың тиісті есептеулерінің әдістемесін негізгі ұлттық индикаторлар картасын бекіту;
- мемлекеттік жоспарлау жөніндегі уәкілетті орган бекітетін ҚР Ұлттық даму жоспарын, мемлекеттік органдардың, облыстардың, республикалық маңызы бар қалалардың, астананың даму жоспарларын әзірлеу, іске асыру, мониторинг жүргізу және түзету әдістемесін келісу;";
- ведомстволық статистикалық байқаулар жүргізу үшін статистикалық нысандарды және оларды толтыру жөніндегі нұсқаулықтарды келісу;
- ақпараттандыру саласындағы уәкілетті орган айқындайтын ұлттық тіркелімдердің тізбесін келісу;
- мемлекеттік статистика саласындағы уәкілетті органға ұсынылатын деректер өнімінің меншік иесін немесе иесін деректер өнімдерін жеткізушілердің тізіліміне енгізу тәртібін әзірлеу және бекіту;
- деректерді басқару жөніндегі уәкілетті органмен бірлесіп деректерді басқару жөніндегі талаптарды әзірлеу;
- құпия емес мәліметтерді ұсыну.
- ресми статистикалық ақпаратты тарату кестесінде көзделмеген және оны әзірлеуге қосымша шығындарды талап ететін өтеулі негізде статистикалық ақпаратты беру тәртібін әзірлеу және бекіту;
- ресми статистикалық ақпаратты тарату кестесінде көзделмеген және оны әзірлеуге қосымша шығындарды талап ететін талдамалық ақпаратты өтеулі негізде беру тәртібін әзірлеу және бекіту.
Сонымен бірге жаңа редакцияда келесі функциялар көрсетілген:
- елдің әлеуметтік-экономикалық дамуын жетілдіруге бағытталған жүйелі (құрылымдық және институционалдық) реформаларды әзірлеу;
- жүйелік (құрылымдық және институционалдық) реформалардың, оның ішінде мемлекеттік жоспарлау жүйесінің құжаттары шеңберінде іске асырылу барысына мониторинг және бағалау;
- ҚР ҰҚК келісімі бойынша ғылыми және ғылыми-техникалық қызметте пайдалану үшін деректер базасын сәйкестендірілмеген түрде ұсыну тәртібін әзірлеу және бекіту;
- мемлекеттік статистика саласындағы уәкілетті органның ақпараттық-статистикалық жүйелерін, деректер базасын және олардың платформаларын, статистикалық тіркелімдерін, интернет-ресурстарын қалыптастыруды, сүйемелдеуді және өзектендіруді қамтамасыз ету;
- ресми статистикалық ақпаратты тарату кестесінде көзделмеген статистикалық және талдамалық ақпаратты қалыптастыруды қамтамасыз ету.
Жарлық оған қол қойылған күннен бастап қолданысқа енгізіледі.