Семейде қыз баланы құтқарамын деп пышақ жарақатын алған полицей жол апатына ұшырап, қаза тапты

2024 жылы 18 қазанда Омбы – Майқапшағай тас жолында үш көліктің қатысуымен жол апаты болды. Салдарынан үш азамат, оның ішінде Семей қаласының полиция аға сержанты Асхат Ахатов қаза тапты, деп хабарлайды Zakon.kz.

Аталған факті бойынша сотқа дейінгі тергеу басталды.

"Істің мән-жайы алда анықталатын болады. Полиция департаменті қаза тапқандардың туыстары мен жақындарына көңіл айтады", – деді аймақтық полиция департаменті.

2024 жылдың наурыз айының басында қаза тапқан полиция қызметкері ізіне түскен қылмыскерден қызды құтқарып, пышақ жарақатын алған болатын.