Бұл күн айтулы тарихи оқиғаны бейнелейді – 2014 жылы осы күні ұлттық заңнамаға алғаш рет "сыбайлас жемқорлыққа қарсы қызмет органдары" ұғымы енгізілді.
Кейінірек 2019 жылы Президенттің Жарлығымен Президентке тікелей есеп беретін дербес құқық қорғау органы – Сыбайлас жемқорлыққа қарсы іс-қимыл агенттігі құрылды.
Сурет: Антикор
Бірқатар дамыған елдердің тәжірибесі бойынша агенттік тиімді алдын алуды, қоғаммен әріптестікті және қылмыстық-құқықтық шараларды біріктіреді.
"Бүгін Мемлекет басшысының сыбайлас жемқорлыққа қарсы ымырасыз және қағидатты күрес жүргізу бойынша қойған міндеттерін шешуге қабілетті кәсіби орган құрылды. Соңғы жылдары заңнамалық реформалардан бастап, адами факторды азайтуға және ашықтықты арттыруға мүмкіндік беретін цифрлық шешімдерді енгізуге дейінгі кең ауқымды бастамалар әзірленіп, енгізілді. Агенттіктің жұмысы азаматтардың өмір сүру сапасын жақсартуға, олардың құқықтары мен бостандықтарын қорғауға, сондай-ақ сыбайлас жемқорлыққа қарсы тұрақты мәдениетті қалыптастыруға бағытталған". ҚР Сыбайлас жемқорлыққа қарсы іс-қимыл агенттігі
Сурет: Антикор
Іс-шара аясында үздік қызметкерлер сыбайлас жемқорлыққа қарсы күрес пен заңдылықты нығайтуға қосқан елеулі үлесі үшін ведомстволық наградалармен марапатталды.
Көпжылдық кәсібилігі мен адалдығы жас қызметкерлерге үлгі болған қызмет ардагерлеріне ерекше алғыс айтылды.
Сурет: Антикор
Сыбайлас жемқорлыққа қарсы қызмет органдарының кәсіби күнін мерекелеу – күн сайын күш-жігер мен уақытты аямай, еліміздің болашағы үшін сыбайлас жемқорлықты жою үшін қызмет атқаратын қызметкерлердің еңбегін мойындау болып табылады.
