Көлік министрлігіне жаңа функциялар қосылды

Үкімет 2024 жылғы 6 желтоқсандағы қаулысымен ҚР Көлік министрлігі туралы ережеге толықтырулар енгізді, деп хабарлайды Zakon.kz.

Ведомствоның функцияларына мыналар қосылды:

• сауда қызметін реттеу саласындағы уәкілетті органмен келісім бойынша өз құзыреті шегінде тауарлардың нысаналы мақсатын растау тәртібі мен нысанын айқындау;
• өз құзыреті шегінде тауарлардың нысаналы мақсатын растауды жүзеге асыру. 

Қаулы 2024 жылғы 6 желтоқсаннан бастап қолданысқа енгізілді.