2025 жылғы 1 қаңтардан бастап "Сыбайлас жемқорлыққа қарсы іс-қимыл туралы" Заңның 11-бабының 9-тармағы қолданысқа енгізіледі, оған сәйкес 2025 жылдан бастап "А" корпусының саяси мемлекеттік қызметшілері, мемлекеттік әкімшілік қызметшілері, Адам құқықтары жөніндегі уәкіл Парламент депутаттары, судьялар, квазимемлекеттік сектор субъектілерінде басқару функцияларын атқаратын адамдар және олардың ерлі-зайыптылар 2025 жылғы 31 желтоқсанға дейін және одан кейін жыл сайын кірістері мен мүлкі туралы декларацияларында көрсетілген мәліметтерді жариялауға міндетті болады.
Осы норманы іске асыру мақсатында Сыбайлас жемқорлыққа қарсы іс-қимыл агенттігі Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) Төрағасының "Жариялануға жататын кірістер мен мүлік туралы декларациядан мәліметтер тізбесін бекіту туралы" бұйрығының жобасын әзірледі.
Қандай мәліметтер жариялануға жатады:
- Декларациялауға жататын кірістерін қоспағанда, жеке тұлға өз бетінше салық салуға жататын кірістер туралы ақпарат — жалпы сома;
- Есептік салық кезеңі ішінде, оның ішінде Қазақстан Республикасынан тыс жерлерде сатып алу және (немесе) өтеусіз алынған мүлік (оның ішінде ақша) туралы ақпарат
- мүліктің түрі;
- мүлік тіркелген ел;
- мүліктің құны (бағасы) (бар болса)
- Есепті салық кезеңі ішінде, оның ішінде Қазақстан Республикасынан тыс жерлерде иеліктен шығару және (немесе) өтеусіз берілген мүлік (оның ішінде ақша) туралы ақпарат
- мүліктің түрі;
- мүлік тіркелген ел;
- мүліктің құны (бағасы) (бар болса)
- Қазақстан Республикасынан тыс орналасқан шетелдік банктердегі банктік шоттардағы ақша туралы ақпарат
- Ақшаның валютамен көрсетілген сомасы;
- Банк мекемесінің атауы және банк мекемесі орналасқан ел
- Есептік салық кезеңінің 31 желтоқсанындағы жағдай бойынша жеке тұлғаның меншік құқығындағы мүлік туралы ақпарат:
- мемлекеттік немесе өзге де тіркеуге (есепке алуға) жататын не құқықтары және (немесе) мәмілелері шет мемлекеттің заңнамасына сәйкес шет мемлекеттің құзыретті органында мемлекеттік немесе өзге де тіркеуге (есепке алуға) жататын мүлікке;
- эмитенттері Қазақстан Республикасынан тыс жерлерде тіркелген бағалы қағаздарға, цифрлық активтерге;
- инвестициялық алтын;
- Қазақстан Республикасынан тыс жерде тіркелген заңды тұлғаның жарғылық капиталындағы қатысу үлесі мүліктің құны (бағасы) (бар болса)
Әзірлеушілер бұйрық жобасын қабылдау теріс әлеуметтік-экономикалық және құқықтық салдарға әкелмейді, ұлттық қауіпсіздікті қамтамасыз етуге әсер етпейді деп мәлімдейді.
Жоба 2024 жылғы 27 желтоқсанға дейін жария талқылау үшін "Ашық НҚА" порталында орналастырылған.