Ережеге жосықсыз өнім берушілер бойынша ҚҚС қайтаруға қатысты қосымша талаптар енгізілді.
Атап айтқанда, 52-тармақ жаңа редакцияда жазылды: "Пирамида" есебі нәтижелері бойынша тауарларды, жұмыстарды, көрсетілетін қызметтерді жеткізушілерде салық заңнамасын бұзушылықтар анықталған жағдайда, ҚҚС-тың асып кету сомасының анықтығын растау талапта және (немесе) салықтық өтініште көрсетілген, салық заңнамасын бұзушылықтар анықталған тауарларды, жұмыстарды, көрсетілетін қызметтерді жеткізушілерге тиесілі ҚҚС асып кету сомасына азайтылған сомалар шегінде мынадай:
- өнім берушінің ҚҚС бойынша салық есептілігінде көрсетілген мәліметтер және (немесе) өнім беруші электрондық шот-фактуралар (ЭШФ) АЖ-да жазып берген шот-фактуралар бойынша мәліметтер арасындағы салыстыру кезінде анықталған өткізілген тауарлар, жұмыстар, қызметтер бойынша ҚҚС сомасын төмендету;
- өнім берушіде ҚҚС бойынша салық есептілігінде көрсетілген мәліметтер және (немесе) сатылған тауарлар, жұмыстар, көрсетілетін қызметтер бойынша шот-фактуралар тізілімінде көрсетілген мәліметтер мен сатып алушының өзі сатып алған тауарлар, жұмыстар, көрсетілетін қызметтер бойынша шот-фактуралар тізіліміндегі мәліметтер арасындағы алшақтықтар;
- Салық кодексінің 85-бабына сәйкес ҚҚС бойынша тіркеу есебінен шығарылған тұлғамен, оның ішінде таратылған, әрекетсіз, банкротпен өзара есеп айырысу бойынша ҚҚС сомаларын есепке жатқызу;
- заңды күшіне енген сот шешімі негізінде жарамсыз деп танылған мәміле бойынша ҚҚС сомаларын есепке жатқызу;
- оңалту негіздері бойынша және Қылмыстық Кодекстің 245-бабы бойынша ақталмайтын негіздер бойынша тоқтатылғандарды қоспағанда, басшысына (құрылтайшысына) қатысты ҚР Қылмыстық кодексінің 216 және 245-баптарында көрсетілген құқық бұзушылықтар бойынша қылмыстық істі сотқа дейінгі тергеп-тексерудің бірыңғай тізілімінде тіркеу фактісі бар өнім берушімен өзара есеп айырысу бойынша ҚҚС сомаларын есепке жатқызу;
- Қағидалардың 47-тармағында көзделген тәуекелдер анықталған өнім берушімен өзара есеп айырысу бойынша ҚҚС сомаларын есепке жатқызу;
- көрсетілетін қызметті алушының тақырыптық тексеруі аяқталған күнге ҚҚС есептелген сомаларын төлеу бойынша өнім берушілердің орындамаған салық міндеттемесінің болуы;
- көрсетілетін қызметті алушының тақырыптық тексеруі аяқталғанға дейін Салық кодексінің 6-тарауына сәйкес ҚҚС төлеу бойынша салық міндеттемесін орындау мерзімінің өзгеруі;
- көрсетілетін қызметті алушының тақырыптық тексеруі аяқталған күнге қосымша салық есептілігін ұсыну арқылы салық міндеттемелерін азайту.
Сонымен бір мезгілде 52-1-тармақтың 1) тармақшасы алынып тасталды.
Өзгерістер салық міндеттемелерін орындау мерзімдері өзгерген, сондай-ақ олар салық есептілігінің қосымша нысандарын берген кезде тауарларды (жұмыстар мен көрсетілетін қызметтерді) берушілердің есептелген ҚҚС сомаларын нақты төлеуі болмаған кезде ҚҚС асып кетуін бюджеттен заңсыз және артық қайтаруды болдырмау мақсатында қабылданды.
Тауарларды, жұмыстарды, көрсетілетін қызметтерді жеткізушілерде ҚҚС төлеу бойынша салық міндеттемесін орындамау, төлеу мерзімін өзгерту, сондай-ақ салықтық тексеру кезеңінде қосымша салық есептілігін ұсыну сияқты салық заңнамасын бұзушылықтардың болуы ҚҚС бойынша бюджеттің жоғалуына және тиісінше салық түсімдерінің төмендеуіне әкеледі.
Осылайша, енгізілген түзетулер жосықсыз жеткізушілер бойынша ҚҚС-тың артық қайтарылуын болдырмайды.
Бұйрық 2025 жылғы 11 ақпаннан бастап қолданысқа енгізіледі.