Консулдық Жарғы Қазақстан Республикасы консулдық қызметінің құқықтық негіздерін, ҚР консулдық лауазымды адамдарының республиканың, ҚР азаматтары мен заңды тұлғаларының елден тыс жерлердегі құқықтары мен мүдделерін қорғау жөніндегі құқықтары мен міндеттерін айқындайды.
Жаңа редакцияда Жарғының кейбір тармақтары көрсетілген.
Мәселен, ҚР консулдық қызметі ҚР Конституциясына, "Қазақстан Республикасының дипломатиялық қызметі туралы" Заңға, осы Жарғыға, болу мемлекетінің заңнамасын ескере отырып, өзге де нормативтік құқықтық актілерге, сондай-ақ ҚР халықаралық шарттарына, халықаралық құқықтың жалпыға бірдей танылған қағидаттары мен нормаларына сәйкес жүзеге асырылады.
ҚР дипломатиялық және оларға теңестірілген өкілдіктері жоқ мемлекеттерде ҚР Сыртқы істер министрлігі консулдық орналасқан мемлекеттің келісімімен консулдық мекеме басшысына дипломатиялық функциялар жүктелуі мүмкін.
Консулдық мекемелердің ғимараттарында міндетті түрде ҚР Мемлекеттік туы көтеріліп, ҚР Мемлекеттік Елтаңбасы орналастырылады.
Консулдық мекемеде ҚР Мемлекеттік елтаңбасы бейнеленген және консулдық мекеменің атауы мемлекеттік тілде және консулдық орналасқан мемлекеттің ресми тілінде мөрі болады.
Консулдық мекемелер өз құзыреті шегінде министрлікті хабардар ете отырып, Қазақстан Республикасының мемлекеттік органдарымен және ұйымдарымен өзара іс-қимылды жүзеге асырады.
Жарғы сондай ақ мынадай мазмұндағы тармақпен толықтырылды:
Консулдық мекемелер Республика заңнамасында белгіленген тәртіппен:
- дипломатиялық почтаны жинақтауды, ресімдеуді, қабылдауды және сақтауды жүзеге асырады, министрліктен келіп түсетін дипломатиялық почтаны ҚР басқа шет елдердегі мекемелеріне жеткізуді ұйымдастырады;
- министрлікке жеткізу үшін дипломатиялық поштаны жинақтауды, сақтауды және ресімдеуді жүзеге асырады;
- министрлікке дипломатиялық поштаны жеткізуді ұйымдастырады;
- дипломатиялық поштаны жеткізу кезінде оның қауіпсіздігі мен сақталуын қамтамасыз ету жөнінде өз құзыреті шегінде шаралар қабылдайды;
- дипломатиялық поштаны жеткізу үшін "ад хок" дипломатиялық курьерлері мен дипломатиялық курьерлеріне құжаттарды ресімдеуді және беруді қамтамасыз етеді.
Жеке және заңды тұлғалардан консулдық функциялар бойынша келіп түсетін құжаттарды қабылдауды және өңдеуді ҚР аумағында Министрлікке жүктелген міндеттерді жүзеге асыруға ықпал ететін министрлік пен Министрлікке ведомстволық бағынысты РМК қызметкерлері, шетелде – дипломатиялық өкілдіктер мен консулдық мекемелер жүзеге асыратыны нақтыланады.
Лауазымға тағайындау кезінде консулдық мекеменің басшысына жазбаша өкілеттік – министр немесе оның міндетін атқарушы адам қол қоятын консулдық патент беріледі, онда консулдық мекеменің толық аты-жөні, сыныбы, консулдық округ және консулдық мекеменің консулдық орналасқан жері көрсетіледі.
Консулдық патент беру кезінде Құрметті консулға оның азаматтығы қосымша көрсетіледі.
Консулдық функциялар Қазақстан атынан орындалады:
- ҚР аумағында-министрлік;
- ҚР шегінен тыс:
- дипломатиялық өкілдіктермен және консулдық мекемелермен;
- болу мемлекетінің келісімімен тиісті халықаралық шарт жасасқан басқа мемлекеттер.
Министрлік Бала құқықтары туралы заңнамаға сәйкес шетелдіктерге асырап алуға берілген ҚР азаматтары болып табылатын балаларды есепке қоюды жүзеге асырады деп көзделеді.
ҚР шет елдердегі мекемелерінің шетелдіктерге асырап алуға берілген республика азаматтары болып табылатын балаларды бақылауды министрлікте есепке қою және жүзеге асыру тәртібі Министрдің бұйрығымен бекітіледі.
Уақытша кеткен және шетелде тұрақты тұруды ресімдеуге ниет білдірген ҚР азаматтарының шетелде тұрақты тұру мәселелері бойынша хабарламаларды Консул ҚР Ішкі істер органдарының рұқсаттары негізінде береді.
ҚР Президентін, ҚР Парламенті Мәжілісі мен республикалық референдум депутаттарын сайлау өткізу кезінде ҚР шет елдердегі мекемесінің үй-жайында сайлау учаскесін құру кезінде дипломатиялық өкілдік немесе консулдық мекеме бұл туралы консулдық округтің билік органдарына ресми түрде хабарлайды.
Сондай-ақ, егер ҚР азаматы форс-мажорлық мән-жайлар салдарынан қиын жағдайда және күнкөріс құралдарынсыз болған жағдайда, сондай-ақ қылмыстық құрылымдар мен адам саудасы әрекеттерінің құрбаны болып, бұл туралы дипломатиялық өкілдікке немесе консулдық мекемеге, консулға мәлімдеген болса, ескертіледі:
- осы азаматты шақырған адамның немесе ұйымның оның осы Мемлекетте болуына байланысты шығыстарды өтеу жөніндегі міндеттемелерінің болуын белгілейді және олардың орындалуына жәрдемдеседі;
- осы азаматтың отбасы мүшелерімен, туыстарымен немесе өзге де адамдармен байланыс орнатуға жәрдемдеседі;
- ҚР заңнамасына сәйкес қаржылық көмек көрсетеді;
- өтініштің мәні бойынша болу мемлекетінің мемлекеттік органдарымен және ұйымдарымен өзара іс-қимылды жүзеге асырады;
- ҚР азаматының қиын жағдайға түсу мән-жайларын тексереді және ҚР азаматы ұсынған материалдардың, объектілердің, құжаттар мен мәліметтердің түпнұсқалығын тексеру жөнінде шаралар қабылдайды;
- бұл жағдай туралы министрлікке хабарлайды.
Жарлық оған қол қойылған күннен бастап қолданысқа енгізіледі.