Ақсу қаласының полициясына бұрынғы жұбайына шағымданған жергілікті тұрғыннан қоңырау келіп түсті.
Тексере келе, бұрынғы күйеуі үйде жанжал шығарғаны белгілі болды, себебі әйелі оның қоңырауларына жауап бермеген.
"Ер адам мұны баласына алаңдағанымен түсіндіреді. Осыған ұқсас хабарлама тағы бір қала тұрғынынан келіп түсті, онда жұбайы мас күйінде отбасында жанжал шығарған. Ер адамдар әкімшілік жауапкершілікке тартылып, әрқайсысына қорғаныс ұйғарымы шығарылды. Материалдар сотқа жіберілді". Павлодар облысы ПД баспасөз қызметі
Айта кетейік, 2025 жылы Ақсу өңірінде 166 құқық бұзушы отбасылық-тұрмыстық қатынастар саласында құқық бұзушылық жасағаны үшін әкімшілік жауапкершілікке тартылды.
"219 азаматқа қорғау ұйғарымы шығарылды, 21 азамат оны бұзғаны үшін жазаланды. 86 ерекше талап қойылды. Екі азаматқа қылмыстық құқық бұзушылық жасаған адамның мінез - құлқына ерекше талаптар белгілеу бойынша жақындауға тыйым салу туралы хаттама жасалды", - деді Павлодар облысы Ақсу қаласының полиция бөлімі бастығының міндетін атқарушы Айдар Сламбеков.
Бұған дейін Астанада ұятсыздыққа барған InDrive такси жүргізушісі жазаланғанын жазғанбыз.