Елорда әкімі Әсет Исекешев Facebook парақшасында астаналықтар мен қала қонақтарынан ауа райының бұзылуына байланысты өте мұқият және сақ болуды өтінді, деп хабарлайды Zakon.kz.
"Аса қажеттілік болмаса, мүмкіндігінше үйден шықпауға кеңес береміз. Бұрқасын жел болған жағдайда далада қалған болсаңыз, құрылыс алаңдарынан аулақ жүріп, жарнама ілінген тақталардан сақтанып, электр сымдары мен ағаштардан айналып өту керек", - деп жазды әкім.
Оның айтуынша, Төтенше жағдайлар департаменті кез келген жағдайда 112 нөміріне хабарласуды сұрайды. Дәл қазір қаладағы барлық коммуналдық қызметтер күшейтілген тәртіпте жұмыс істеуде.