ШҚО-да жаңа туылған нәресте тікұшақпен ауруханаға жеткізілді, деп хабарлайды Zakon.kz ҚР ІІМ ТЖК «Қазавиақұтқару» АҚ баспасөз қызметіне сілтеме жасап.
"Кеше, сағат 10.00-де, Өскемен базасындағы Eurocopter-027 тікұшағы Санавиациялық дәрігерлермен Шығыс Қазақстан облысының Катон-Қарағай ауданына жаңа туылған сәбиді Өскемен ауруханасына жеткізіп, шұғыл көмек көрсету үшін ұшып шықты", - делінген хабарламада.
Дәрігерлердің қадағалауымен, сәби «Қазавиақұтқару» АҚ кәсіби ұшқыштары басқарған Eurocopter-027 тікұшағымен «Ана мен Бала орталығына» жеткізілді.
