Қызылорда тас жолының бойында, облыс орталығынан 75 км қашықтықтағы Қалқаман кентінің тұсында жол апаты орын алды, деп хабарлайды pavlodarnews.kz.
Әлеуметтік желіде таралған және куәгерлер түсірген бейнежазбада HOWO мен Volvo маркалы жүк көліктерінің соқтығысқаннан кейінгі сәттері көрсетілген.
Облыстық ІІД хабарлауынша, Volvo көлігінің жүргізушісі медициналық көмекке жүгінген. - Дәрігерлердің қарауынан кейін жүргізуші қайтарылды, - деді ведомствода.
– HOWO жүк көлігінің жүргізушісі зардап шекпеген. Қазіргі таңда жол апатының жай-жапсары анықталуда.
Райымбек Дулат
