Ақтөбе өңірінде бруцеллездің 12 ошағы тіркелді. Енді дерт дендемеу үшін наурыз айынан бастап малдың бәрі тексеріліп, аса қауіпті жұқпалы ауруларға қарсы вакцина егіледі деп жазады Хабар 24 арнасы.
Ауыл шаруашылығы министрлігінің Ветеринарлық бақылау мен қадағалау комитетінің төрағасы Тұрсын Қабдолданов осылай деді. Қазір барлық облыстарға бірінші жартыжылдыққа қажетті 99 миллион дана дәрі таратылған. Енді сәуірдің 25-іне дейін жаппай вакцина егу науқаны басталады.
Тұрсын Қабдолданов, ҚР Ауыл шаруашылығы министрлігінің комитет төрағасы:- Шығыс, оңтүстік өңірлерімізде, Алматы, Жамбыл, Қызылорда, Шығыс Қазақстан облысы аймағында аусылға бейім барлық малдар 100 пайыз егіледі. Және ірі қараның арасында туберкулезге тексеріс толықтай 100 пайыз жүргізіледі.