"Мамонты Югры" ресейлік командасының хоккейшісі ойын кезінде қазақстандық "Қар барысы" ойыншысын жарақаттады, деп хабарлайды Sputnik Қазақстан.
Әлеуметтік желідегі mediasportkz парақшасы хабарлағандай, оқиға Жастар хоккей лигасының матчы кезінде болған: "Мамонты Югры" командасының 20 жастағы қорғаушысы Дмитрий Юшкевич "Қар барысының" қақпашысы — он алты жастағы Вилен Прокофьевтің мойнын конькимен кесіп жіберген. БАҚ мәліметіне сүйенсек, бозбаланың жарақаты терең емес көрінеді.
"Барыс" хоккей клубы жазғандай, 2 наурыздағы кездесуде қазақстандық команда 1:6 есебімен ұтылып қалды.
