Сырдария өзені арнасынан асып, Жалағаш – Жосалы тас жолы аумағын су алып кетті, деп хабарлайды ҚР ІІМ ТЖ жөніндегі комитет баспасөз қызметіне сілтеме жасап Stan.kz ақпараттық агенттігі.
21 наурызда Қармақшы ауданы Қызылтам ауылының маңындағы аумақы су алған.
Комитеттің баспасөз қызметі хабарлағандай, 3,5 шақырым аумақты су алып кеткен.
«Ұзындығы 3,5 шақырым болатын аумақты су алып кетті. Жергілікті билік су басқан аумақты жапты. Қазіргі уақытта көліктер айналма жолмен қатынауда», – деп мәлімдеді комитеттің баспасөз қызметі.
Су басқан аумақта суды ағызу және тас жолды нығайту бойынша жұмыстар жүргізіліп, инертті заттармен толтырылған 1500 қап төселді.