Металлургиялық комбинаттың жылу электр орталығының қазандығында плиталар құлап, жұмысшы көп дене жарақатын алды, деп хабарлайды Baq.kz ақпарат агенттігі.
3 және 4 қазандық арасындағы 32 тақта құлап, нәтижесінде қазандық істен шығып қалған. Бір жұмысшы зардап шекті.
Дәрігерлердің айтуынша, 25 наурызда Теміртау орталық ауруханасына зардап шеккен жұмысшы келіп түскен. Ол қазір жан сақтау бөлімінде жатыр. Жағдайы ауыр.
АМТ баспасөз қызметі бұл жағдай туралы әзірге пікір білдірген жоқ.