Солтүстік Каспий қайраңындағы Қашаған кенішінде тағы 4 жаңа жоба игеріледі. Күні бүгінге дейін Қаламқас пен Хазар кеніші толық зерттеуден өткізіліп, өндірісті іске қосудың тетіктері сарапқа салынып жатыр, деп жазады Хабар 24 арнасы.
Сондай-ақ Ақтоты және Қайран кеніштері зерттеледі. Бұл төрт кеніште Қашағанға жақын маңнан ашылған.
Айта кетейік, 2016 жылдың қыркүйек айында іске қосылды.
Қашаған жобасынан 11,5 миллион тонна мұнай және 3,5 миллиард текше метр газ өндірілді. Бұл бір жарым жылдың көлемінде қол жеткізген жетістіктер.
Бруно Жардин, мұнай-газ өндіру компаниясының өкілі: - Біз ілеспе газды жер қойнауына кері айдау мақсатында күрделі инженерлік тәсілдерді қолға алдық. Бұл шешім Қашаған кенішіндегі мұнай өндіру көлемін тәулігіне 300 мың баррельге дейін арттырды. Осының арқасында біз жыл басынан бері 2,5 миллион тонна мұнай өндірдік.