Бүгін Орал қаласында басына мұз құлаған ер адам көз жұмды, деп хабарлайды ҚазАқпарат.
Оқиға қала орталығында, Карев аялдамасы маңында орын алды.
Облыстық денсаулық сақтау басқармасының басшысы Қанат Төсекбаевтың айтуынша, 1948 жылғы ер адам лента керіліп тұрғанына қарамастан, қауіпті тұстан өтіп бара жатқан.
Жедел жәрдемге шақырту сағат 11.58-де түскен.
Сол тұста өтіп бара жатқан жедел жәрдем бригадасы оқиға орнына екі минуттан кейін жеткен.
Басынан жарақат алып, мойнына зақым келген ер адам машинаға салып үлгергенше, қайтыс болып кеткен.
