Павлодарда Айманов көшесіндегі үйде жарылғыш зат орналастырғаны туралы жалған хабарлама таратқан әйел адам ұсталды, деп хабарлайды pavlodarnews.kz.
Бұл туралы облыстық ІІД-нің баспасөз қызметі хабарлады.
- «102» оператор пультіне келіп түскен телефон хабарламасы бойынша іс-шара жүргізілді. Нәтижесінде орташа ауыр дәрежедегі алкоголдік мас болған әйел адам ұсталды. Азаматша уақытша бейімдеу және уытсыздандыру орталығына орналастырылды, - деді департаментте.
Аталған фактіге қатысты ҚР ҚК 273-бабы «терроризм акті туралы жалған хабарлау» бойынша сотқа дейінгі тергеп-тексеру жүргізілуде. Бұл бапқа сәйкес алты жылға дейін бас бостандығынан айыру түрінде қылмыстық жауапкершілікке тарту қарастырылған.