Тәртіптік жазалаудың себебі – Арқалық, Әулиекөл мен Таранов аудандарындағы медициналық мекемелерде сәби мен ана өлімінің көптеп тіркелуі, деп хабарлайды Baq.kz ақпарат агенттігі alau.kz сайтына сілтеме жасап.
Тәртіптік жазалауға Арқалық перзентханасының, Арқалық аудандық ауруханасының, Таранов және Әулиекөл аудандарындағы медицина мекемесінің бас дәрігерлері тартылды.
«Ағымдағы жылы алғашқы жарты жылдықтың қортындысы бойынша қараймыз, егер өз жұмыстарын алып жүре алмаса жұмыстан шығарамыз», - деп мәлімдеді облыс әкімі Архимед Мұхамбетов.
Айта кетейік, бүгінде Арқалықта сәби өлімі шамамен 25 пайызды құрап отыр. Бұл облыстық көрсеткіштен екі есе жоғары деуге болады.