Павлодарда Усолка өзенінен 11 жастағы бала құтқарылды, деп хабарлайды pavlodarnews.kz тілшісі.
Бұл туралы облыстық ТЖД-нің баспасөз қызметі хабарлады.
- Сағат 19.14-те оқушы өзеннің маңында серуендеп жүріп, желдің екпініне қарсы тұра алмай суға құлап түсті, - деді ТЖД жедел іздеу жасағының басшысы Серік Шериязданов.
– Оқиға «Дельфин» құтқару станциясының маңында болған. Қасында болған үш жеткіншек шошып қалған болар, сол жерден қашып кетті.
Баланың көмекке шақырып жатқан дауысын 200-250 метр қашықтықта жүрген құтқарушылар естіген. Құтқарушылар жеткіншекті жылытқаннан кейін әпкесіне хабарласып, қолына тапсырған.
Назым Қарабаева
