Өскемендегі Жастар саябағының атауы ауыстырылып қана қоймай, ішіне де біраз өзгерістер енгізіледі, деп хабарлайды Алтайньюс тілшісі.
Саябақ ішіндегі Сергей Кировтің ескерткіші сүріліп, оның орнына биыл ел көлемінде 100 жылдығы аталып өткен Халық Қаһарманы Қасым Қайсеновтің мүсіні қойылмақ. Ал С.Киров ескерткішінің жайы қалай болары белгісіз.
Бұл мәселе бүгінгі қалалық мәслихат депутаттары бас қосқан қоғамдық тыңдау барысында айтылып, халық қалаулыларының басым бөлігінен қолдау тапты. Ендігі шешімді республикалық ономостикалық комиссия қабылдайды.
