Афинаның маңында болған өрт 20 адамның өмірін жалмады, деп хабарлайды Baq.kz.
Грекия билігінің өкілі Димитрис Цанакопулос одан бөлек 69 адам ауруханада жатқанын, олардың денсаулық жағдайы ауыр екенін айтты.
Бұған дейін өрт Афина мен Коринф арасындағы жағалаудағы елдімекенге дейін жеткені жазылған болатын. Өрт сөндіруге он шақты өрт сөндіру көлігі, үш өрт сөндіру ұшағы және екі тікұшақ қосылды, бірақ қатты соққан жел өртті дер кезінде ауыздықтауға мүмкіндік бермеді.
Грекия билігі Афинаның батысы мен солтүстік-шығысында орналасқан аудандарға төтенше жағдай жариялады. Ол жақта жазда өрт жиі болып тұрады.