Салымшылардың зейнетақы жинақтары 2018 жылғы қаңтар- маусымда 663,6 млрд теңгеге (8,5%) ұлғайып, 2018 жылғы 1 шілдедегі жағдай бойынша 8 444,3 млрд теңгені құрады. Бұл туралы zakon.kz, Ұлттық банктің баспасөз қызметі берген ақпаратқа сілтеме жасап хабарлайды.
2018 жылғы 1 шілдеде 3 131,3 млрд теңге болған зейнетақы активтерін инвестициялаудан «таза» кіріс 2018 жылғы қаңтар-маусымда 356,4 млрд теңгеге ұлғайды.
Міндетті зейнетақы жарналары бойынша салымшылардың жеке зейнетақы шоттарының саны (зейнетақы жинақтары жоқ ЖЗШ-ны есептегенде) 2018 жылғы 1 шілдеде 9,7 млн шотты құрады.
Зейнетақы төлемдерінің сомасы 2018 жылғы қаңтар-маусымда 100,9 млрд теңгені құрады.
БЖЗҚ-тың жиынтық инвестициялық портфелінің негізгі үлесін 2018 жылғы
1 шілдеде бұрынғыдай, ҚР мемлекеттік бағалы қағаздары мен ҚР эмитенттерінің корпоративтік бағалы қағаздары (зейнетақы активтерінің жалпы көлемінің тиісінше 46,8%-ын және 25,4%-ын) құрайды.
