WBC президенті Маурисио Сулейман мексикалық боксшы Сауль «Канело» Альварестің Геннадий Головкинмен екінші айқасының алдындағы кезекті допинг-сынамасының нәтижесін жария етті, деп хабарлайды Қазақпарат.
«WBC қазір ғана VADA-дан «Канелоның» 13 шілдеде тапсырған допинг-тесті туралы есепті алды. Теріс нәтиже берді», - деп жазды ол туиттерде.
Еске салайық, Альварестің ақпанда тапсырған допинг сынамасынан екі рет кленбутерол табылып, алты айға шеттетілген еді.
5 мамырға жоспарланған Головкинмен рематчы кейінге қалдырылды.
Енді ол 15 қыркүйекте Лас-Вегаста (Невада штаты) T-Mobile Arena-да өтеді.
