Республиканың солтүстік, орталық және шығыс аймақтарына циклон және онымен байланысты атмосфералық фронтальдық бөліктер әсерін тигізеді. Осыған байланысты жаңбыр жауады, найзағай болады, екпінді жел күшейеді, деп хабарлайды Zakon.kz Қазгидрометке сілтеме жасап.
Қазақстанның батысында, оңтүстігінде және оңтүстік-шығысында жауын-шашынсыз ауа райы болады.
Ақмола, Қарағанды облыстарының кей жерлерінде жел 15-20 м/с күшейеді, күндіз бұршақ жаууы мүмкін. Қостанай облысының кей жерлерінде түнде, күндіз басым бөлігінде жел 15-20 м/с күшейеді. Солтүстік Қазақстан облысында түнде және таңертең кей жерлерде тұман күтіледі, күндіз жел 15-20 м/с күшейеді, бұршақ жаууы мүмкін. Ақтөбе, Павлодар облыстарында, күндіз Жамбыл облысының кей жерлерінде жел 15-20 м/с күшейеді. Күндіз Қызылорда облысының кей жерлерінде жел 15-20 м/с күшейеді, шаңды дауыл тұрады.
Қызылорда, Жамбыл, Түркістан облыстарының басым бөлігінде, Ақтөбе, Атырау, Маңғыстау, Батыс Қазақстан, Қарағанды облыстарының кей жерлерінде жоғары өрт қауіпі сақталады.
