Жаңа оқу жылынан бастап Сәрсен Аманжолов атындағы ШҚМУ республикада тұңғыш болып цифрлы гуманитаристика мамандарын дайындайтын болды, деп хабарлайды Алтайньюс тілшісі.
Жаңа мамандық аталмыш ЖОО-ның тарих факультетінде ашылды.
Түсіндіреміз: Цифрлы гуманитаристика – гуманитарлы-әлеуметтік ғылымдар мен компьютер технологиясындағы әдістеме мен тәжірибені ұштастыра алады. Бұл мамандарға музейлерде, архивтерде, білім мекемелерінде және археологиялық зерттеу жұмыстарында сұраныс көп.
– Мысалы, GIS-технологияларын меңгерген бұл мамандар археология саласына ауадай қажет. Өйткені олар аэрофототүсірілім жасап, материалдарды өңдеп һәм қайта құрастыра алады, – дейді университеттің Қазақстан тарихы кафедрасы меңгерушісінің міндетін атқарушы Жанна Әубәкірова.
