ҚР Денсаулық сақтау министрі Елжан Біртанов елімізде менингококкты менингитке ұшыраған науқастар бақылауда тұрғанын айтты, деп хабарлайды Baq.kz тілшісі.
"Елімізде менингококты менингит 2015 жылы көп тарады. Сондай-ақ, сероздық менингит деген бар. Ол түрлі вирустардан пайда болады. Жыл сайын жүздеген, күн сайын ондаған жағдай тіркеледі. Бұл көктемгі - күзгі кезеңмен, иммунитеттің əлсіреуімен байланысты. Арасында менингококты менингит жағдайлары да кездеседі. Қазір бізде бұл ауру деңгейі Қазақстан бойынша орташа ауру деңгейінен 3-4 есе аз. Сондықтан, ауру кең тарады деп айту дұрыс емес. Өкінішке қарай, осындай вирустың барлығы қаупі бар туберкулез бен тұмау сияқты Қазақстанға тəн", - деді Біртанов.
Министр Үкімет үйінде өткен баспасөз мәслихатында менингит жағдайы мен бұл ауруға ұшыраған əр пациент ведомство бақылауында деп сендірді.
Еске салсақ, қыркүйекте Ақтөбе облысының екі тұрғынынан менингококты менингит анықталған болатын. Олар қазір емделіп жатыр. Солтүстік Қазақстанда 1999 жылғы студент қыз менингиттен көз жұмды. Қазір қыздың менингиттің қай түрінен қайтыс болғаны анықталып жатыр.
